Breaking News

‘చైనా అకౌంట్’‌ని డిలీట్ చేసిన మోదీ‘చైనా అకౌంట్’‌ని డిలీట్ చేసిన మోదీ

సరిహద్దుల్లో తరచుగా కవ్వింపు చర్యలకు పాల్పడుతున్న చైనాకు చెక్‌ పెట్టేందుకు భారత ప్రభుత్వం అడుగులు వేస్తోంది. ఈ క్రమంలో ఇప్పటికే చైనాకు చెందిన పలు కంపెనీలతో తెగదెంపులు చేసుకున్న భారత ప్రభుత్వం, ఆ దేశానికి చెందిన 59 యాప్‌లను కూడా నిషేధించింది. ఈ నేపథ్యంలో చైనా సామాజిక మాధ్యమమైన సినా వీబోను వీడాలని ప్రధాని నరేంద్ర మోదీ నిర్ణయించారు. దీనికి సంబంధించిన అధికారిక ప్రక్రియ బుధవారం మొదలైంది.

కాగా చైనా ట్విట్టర్‌గా పిలిచే వీబోలో ఉండే అకౌంట్‌ని మూసేయడం కాస్త క్లిష్టంతో కూడుకున్న పనే. తమ అకౌంట్‌ని డీయాక్ట్‌వేట్‌ చేయడానికి వీబో నుంచి అనుమతులు తీసుకోవాలని. ఒక్కోసారి ఈ ప్రక్రియ ఆలస్యం అవ్వొచ్చు. ఈ నేపథ్యంలో మోదీ అకౌంట్‌లోని ఫొటోను, పోస్టులు, కామెంట్లను తొలగించారు. కాగా కొన్నేళ్ల క్రితం వీబోలో ప్రధాని మోదీ అకౌంట్‌ను క్రియేట్‌ చేసుకున్నారు. అందులో ఇప్పటివరకు మోదీ 115 పోస్టులను చేయగా.. 113ను తొలగించారు. మిగిలిన రెండింటిలో మోదీ, చైనా అధ్యక్షుడు జిన్‌ పింగ్‌ కలిసి ఉన్న ఫొటోలు ఉన్నాయి. వీబోలో చైనా అధ్యక్షుడు ఉన్న ఫొటోలను తొలగించడం కష్టం కూడుకున్నది కావడంతో.. ఆ రెండింటిని వదిలేశారు. ఇక వీబోలో మోదీ అకౌంట్‌కి 2,44,000మంది ఫాలోవర్లు ఉండగా.. పోస్టులను డిలీట్ చేసినప్పటికీ, ఫాలోవర్ల సంఖ్య తగ్గలేదని సంబంధిత వర్గాలు వెల్లడించాయి.

one9 news

Read Previous

ప‌ద‌వి ఉంటేనా నాయ‌కుడుకి విలువా…?

Read Next

వైసీపీ ఎంపీ భరత్ గన్‌మెన్‌, ఫొటోగ్రాఫర్‌కి కరోనా

Leave a Reply

Your email address will not be published. Required fields are marked *