తాజా వార్తాలు / కడప జిల్లా : ఒకటి కాదు.. నాలుగు.. బుజ్జి పిల్లులు కాదు.. పెద్ద పులులే.. కానీ బుజ్జి పులులు. ఎరక్కపోయి జనావాసాల్లోకొచ్చి చిక్కుకుపోయాయి. కర్నూలు జిల్లా నల్లమల అటవీప్రాంత సమీప గ్రామంలో జనం కంటబడ్డ నాలుగు ఆడ పులిపిల్లలు స్థానికంగా కలకలం రేపాయి. ఉదయాన్నే అడవివైపు వెళుతోన్న ఓ వ్యక్తికి నాలుగు పెద్దపులి పిల్లలు కంటపడడంతో హడలిపోయాడు ఆ వ్యక్తి.. ఆ తరువాతేం జరిగిందో చూడండి..కర్నూలు జిల్లాలో ముళ్ళపొదల్లో ప్రత్యక్షం అయిన నాలుగు పులిపిల్లలు స్థానికంగా కలకలం రేపాయి. నల్లమల సమీపంలోని ఆత్మకూరు అటవీ డివిజన్ పెద్దగుమ్మడాపురంలో ముళ్ళపొదల్లో నాలుగు పులిపిల్లలు జనం కంటబడ్డాయి. జనాన్ని చూసి హడలిపోయిన పులి పిల్లలను జనం ఓ చోట దాచిపెట్టారు. పులి పిల్లలపై కుక్కలు దాడి చేసి గాయపరచకుండా.. వాటిని తీసుకెళ్లి ఓ గదిలో భద్రపరిచిన గ్రామస్తులు, అటవీశాఖాధికారులకు స్థానికులు సమాచారమిచ్చారు. బహుశా సమీపంలోని నల్లమల అడవిలో నుంచి తప్పించుకుని ఊరిచివర పంటపొలాల్లోకి చొరబడి ఉంటాయని భావిస్తున్నారు.ఈ పులిపిల్లలను అటవీప్రాంతంలో వదిలేస్తే ఇతర జంతువులు చంపేసే ప్రమాదం ఉందని అటవీశాఖాధికారులు ఆందోళనకు గురయ్యారు. పులిపిల్లలు దొరికిన చోటనే వాటిని వదిలేసి సీసీ కెమెరాలతో నిఘా పెట్టాలని మొదట భావించినా ఆ తరువాత నాలుగు పెద్దపులి పిల్లలను బైర్లూటి వైల్డ్ వెటర్నరీ హాస్పిటల్ కు తరలించారు అధికారులు. అధిక వేడి దృష్ట్యా డీహైడ్రేషన్ కు గురవుతాయని వాటి ఆరోగ్య పరిస్తితి మెరుగు పడ్డాక రాత్రికి తల్లి, పిల్లలను కలిపే ప్రయత్నం చేస్తామని, వీలుకాని పక్షంలో తిరుపతి జూ కు తరలిస్తామని అధికారులు చెప్పారు. మరోవైపు ఆ బుల్లి పులుల తల్లి ఎక్కడో చుట్టుపక్కలే పొంచి ఉంటుందని సమీప గ్రామ ప్రజలు అప్రమత్తంగా ఉండాలని అటవీ అధికారులు సూచించారు. కాగా, తల్లి లేకపోవడంతో ఆ పులి పిల్లలు ఆహారం తీసుకోవడం లేదు. దాంతో అధికారులు చాలా జాగ్రత్తగా వాటికి ఫీడింగ్ ఇచ్చే ప్రయత్నం చేస్తున్నారు. బైర్లుటి వైల్డ్ వెటర్నరీ హాస్పిటల్లో వైద్యుల పర్యవేక్షణలో ఆ పులి పిల్లలు ఉన్నాయి. ప్రస్తుతం ఈ నాలుగు పులి పిల్లలు ఆరోగ్యంగానే ఉన్నాయని, పశువుల పాలు, ఓఆర్ఎస్, నీళ్లుు పులి పిల్లలకు ఆహారంగా అందిస్తున్నారు సిబ్బంది. తల్లి పెద్దపులి కోసం 40 ట్రాప్ కెమెరాలతో పర్యావేక్షిస్తున్నారు ఫారెస్ట్ అధికారులు. ఏ కెమెరాలో అయితే పులి కనబడుతుందో ఆ ఏరియాలో పులి పిల్లలను వదిలి తల్లితో కలుపుతామని చెబుతున్నారు ఫారెస్ట్ అధికారులు.
-----------------------
Admin