గోదావరిలో హైఓల్టేజ్‌ పొలిటికల్ హీట్‌
తాజా వార్తాలు / కోనసీమ జిల్లా : ఒకరు రాష్ట్ర ముఖ్యమంత్రి, మరొక్కరు ప్రతిపక్ష నేత. ఇద్దరి మధ్య నిత్యం మాటల యుద్ధం ఓ రేంజ్‌లో జరుగుతోంది. మరీ ముఖ్యంగా ఎన్నికలు దగ్గర పడుతోన్న తరుణంలో వీరిద్దరి మధ్య మాటలు తూటాలపై పేలుతున్నాయి. ఈ సమయంలో ఇద్దరు నాయకులు ఒకే చోట ఉండడం ఆసక్తిగా మారింది. గోదావరి జిల్లాలో హైఓల్టేజ్‌ పొలిటికల్ హీట్‌ కనిపిస్తోంది. ఓ పక్క సీఎం జగన్, మరోపక్క విపక్షనేత చంద్రబాబు పర్యటన ఆసక్తికరంగా మారింది. సోమవారం రాత్రి సీఎం జగన్ ఆర్ అండ్ బీ గెస్ట్‌ హౌస్‌లో జగన్ బస చేస్తే.. ప్రతిపక్ష నేత చంద్రబాబు మొంపూడి జంక్షన్‌ దగ్గర బస చేశారు. దీంతో అందరిలోనూ ఆసక్తినెలకొంది.ఇద్దరు కీలక నేతలు ఒకేచోట ఉండడంతో రాజమండ్రిలో హైటెన్షన్‌ కనిపిస్తోంది. వరద ముంపు ప్రాంతాల పరిశీలనకు సోమవారం సీఎం జగన్ వెళ్లిన విషయం తెలిసిందే. అయితే అదే సమయంలో ప్రతిపక్ష నాయకుడు చంద్రబాబు పోలవం ప్రాజెక్ట్ సందర్శనకు వెళ్లారు. ప్రస్తుతం వీరిద్దరి పర్యటనలు ఉమ్మడి జిల్లాలో కొనసాగుతున్నాయి. ఈ క్రమంలోనే ఇద్దరు నేతలు ఒకే జిల్లాలో పర్యటించడం రాష్ట్ర వ్యాప్తంగా చర్చనీయాంశంగా మారింది. దీంతో పోలీసులు సైతం అప్రమత్తమయ్యారు, ఎలాంటి అవాంఛనీయ సంఘటనలు జరగకూడదనే ఉద్దేశంతో పకడ్బందీ ఏర్పాట్లు చేశారు. మొన్నటి మొన్న పుంగనూరులో జరిగిన హింసాత్మక సంఘటన నేపథ్యంలో పోలీసులు మరింత అలర్ట్ అయ్యారు. దీంతో ప్రస్తుతం మంగళవారం సీఎంతో పాటు ప్రతిపక్ష నేత పర్యటిస్తున్న ప్రాంతాల్లో పోలీసులు అన్ని రకాల చర్యలు చేపట్టారు. ఎలాంటి అవాంఛనీయ సంఘటనలు జరగకూడదనే ఉద్దేశంతో చర్యలు తీసుకున్నారు. ఇదిలా ఉంటే ఈ రోజు జగన్ మోహన్‌ రెడ్డి ఉదయం 10 గంటలకు ముమ్మిడివరం మండలం గురజపులంక వెళ్లనున్నారు. అక్కడ ముంపు బాధితులను పరామర్శించనున్నారు. అనంతరం తానేలంక, తోటరాముడిపేట వరద బాధితులతో ముఖ్యమంత్రి సమావేశమవుతారు. ఇక మరోవైపు ప్రతిపక్ష నాయకుడు చంద్రబాబు ఈ రోజు పురుషోత్తమపట్నం లిఫ్ట్‌ ఇరిగేషన్‌ను పరిశీలించనున్నారు. కోరుకొండలో రోడ్‌ షో, బస్టాండ్ సెంటర్‌లో భారీ బహిరంగ సభ నిర్వహించనున్నారు. మరి నువ్వా, నేనా అన్నట్లు సాగుతోన్న ఇద్దరి నాయకుల పర్యటనలు ఎలాంటి పరిస్థితులకు దారి తీస్తాయో చూడాలి.
-----------------------
Admin
మరిన్ని వార్తలు
_page-0001.jpg)
.jpeg)
.jpeg)
.jpg)
.jpeg)
.jpeg)
Developed By :
